Harhna
Notebook leina tur a neihloh vangin balhla hnah chu lehkha puan ah a hmang

 Chhungkaw dinhmun in a zir lo a, mite ang in thil chhuak thar a piang leh a tha tha a neih theih loh chu sawi loh a ziahna tur lehkha puan tak ngial pawh a nei zo lo

Philippines rama Lianga National Comprehensive School a zirlai mipa naupang pakhat Erlande Monter hian notebook leina turin sum leh pai an nei zo ve lo a, lehkhapuan ai ah balhla (banana) hnah chu ziahna atan hmang in class ah balhla hnah ah hian note a copy ve thin

Montera chanchin hi an zirtirtu Arcilyn Azarcon chuan Facebook ah tarlangin Azarcon hian board ah ziakin zirlai te hnen ah copy turin a hrilh a, a zirlai te ziak en a a kal kual vel na ah zirlai zinga danglam bik hi a hmu ta a, Monter hian notebook ai ah Balhla hnah chu thil ziahna atan a lo hmang a ni. Azarcon in a zirlai chanchin a tarlan hian mitam tak thinlung a hneh hle. Monter nu leh pa te hian pawisa an neih loh vangin a zirna tur mamawh ang notebook leh paper te an leisak thei lo

Heti chung hian zirna chu chawlhsan a tum phah chuang lo. Lehkha a zir theih nan amah leh amah chu a in tum chawp tak meuh meuh a. A tumruh na avang pawh hian ngaihsan a hlawhin tanpui chaktu pawh an tam viau nghe nghe.

A len hun ah chuan sipai (soldier) nih a duh thu a sawi. Canada atang tanpuina atan Scholarship a hmuh phah hial bawk. Monter hringnun atang hian rethei tak chung pawh in tumna a awm tlat chuan kawng hi alo awm reng a ni tih a rawn tichiang hle

Harhna
Education