Mizo Aw
Condition Awmin Zirlaiten Sikul Kal Thei Dawn

Sawrkar laipuiin August ni 29-a Unlock 4 atana kaihhruaina a siam dungzuiin Mizoram sawrkar chuan vawiin September ni 21,2020 hnu lama school, college, educational leh coaching institution-te kal dan tur inkaihhruaina siam a, hetiangin:

(i) Containment area pawnah chuan pawl 9 aṭanga pawl 12 inkar zirlaite chu anmahni duhthlanna-in an zirtirtute rawn turin sikul an kal thei ang. Hemi tur hian an nu leh pa/guardian te phalna ziakin school-in an la tur a ni a, MoHFW-in SOP (Attachment-I) a siam chu khauh takin an zawm tur a ni.

(ii) School-ah teaching leh non-teaching staff te chu online teaching/counseling pe turin 50% aia tam 10 kal phal a ni ang. School kal zawng zawngte chuan MoHFW-in SOP (Attachment-I) a siam chu khauh takin an zawm tur a ni.

2. Industrial Training Institutes (ITIs), National Skill Development Corporation emaw Central sawrkar hnuaia Ministry dang emaw State sawrkar hnuaia short term training centre anga in-register te chu Skill/ Entrepreneurship training neih phalsak a ni ang a, MoHFW-in SOP (Attachment-Il) a siam chu khauh takin an zawm tur a ni.

He thupek kenkawh dan tur hi a kaihhnawih (concerned) Department-ten an bawhzui ang. Tin, school leh training neihna hmunahte chuan SOP zawm tura tarlante chu a kaihhnawih (concerned) Department ten a zau thei ang berin an thehdarh tur a ni a, a kenkawh chungchangah pawh mawh an phur nghal ang.

Mizo Aw
Education