Mizo Aw
Education Policy Thar 2022 Aṭangin

Prime Minister Narendra Modi chuan ram pum huap zirna policy-National Education Policy anga zirlaibu (curriculum) siam chu Independence kum 75-na lawm kum 2022 aṭangin zir ṭan a ni ang a ti. Prime Minister chuan zirlai (curriculum) thar chu hma lam thlirna, hma lam atana inpeihna leh scientific a ni tiin a sawinawn.

Nimin khan National Education Policy (NEP) hnuaia ‘Kum Zabi 21-naa School Zirna’(School Education in 21st Century) tih thupui hmanga inkhawmna New Delhiah thu sawiin Prime Minister chuan Pawl 5 thlenga naupangten an pianpui ṭawng emaw tual chhung ṭawng emaw hmanga zirna an neih a pawimawhzia uar takin a sawi a. Chutiang ni mah se NEP chuan naupangin zina atan eng ṭawng pawh a hman khapna (bar) a awm lo va, ṭangkai an tih angin English emaw international language an hmang thei a ni a ti. India ram ṭawng chu chawisan (promote) tur a ni tih sawiin, eng ṭawng pawh an hman khapna a awm lo a ti.

Hetiang thu a sawina chhan chu eptu party rorelna state ṭhenkhatin NEP 2020 an sawisel vang a ni a, BJP chu Hindi chauh chawilar tumah an puh a, mahse, BJP chuan an pha a ni.

Prime Minister chuan kum 30 kal ta chhungin khawvel a danglam nasa tiin pawi a tih thu a sawi a. Mahse, “Kan Education Policy chu a ngai reng a ni” a ti. Tuna kal danah chuan ‘marsheet chu indanchepna lehkha’ (pressure sheet) leh ‘chhungkaw dinhmun tihlanna lehkha’ (prestige sheet for families) a ni a ti a, policy thar (NEP) chuan chu chu tihbo a tum a ni a ti.

NEP chuan kum zabi 21-naah ram hnenah kalna kawng thar a pe ang a, hun thar (new era) atan chi a tuh dawn a ni a ti a. Chu hna chu thawh zawh a la ni lo a. NEP chu intluktlangin ṭangkai taka tihpuitlin a ni ang a, “Kan tiho zel a ngai dawn a ni” a ti. Policy tharah chuan ram pumah inrawnna a la kal zel a ni a ti a. Mipuiin zawhna tam tak NEP chungchangah an nei a, an tih tur a niin a thiang a. Chutiang rawtna ‘MyGov portal from teachers’ah chawlhkar khat chhungin nuai 15 dawn a ni a ti. 

Mizo Aw
Education