Mizo Aw
Sept. Ni 22 Aṭangin Pawl 9-12 Tan School Hawn Turah Union Health Ministry-in Kaihhruaina-SOP A Tichhuak

September ni 21 aṭanga mahni duh thua pawl 9 aṭanga pawl 12 zirlaite tana school-te hawnna (partial reopening) turin sawrkar laipui Health Ministry chuan kaihhruaina (Standard Operating Procedure,SOP) a tichhuak ta a, note-bu te, pen emaw pencil emaw, water bottle te inhmanṭawm phal loh a ni a, punkhawm leh sport-te khap a ni a, online zirna leh natna la lang chhuak lote luh fuih (encourage) a ni.

Mahse, hengah hian ziaka zirlai nu leh pate emaw an guardian te emaw phalna a ngai a, zirtirtute leh zirlaite a huho ni lova an inhmuh theihna buatsaih theih a ni. Ṭhutna chair leh bench,etc. te chu inhlat feet ruk inkarin rem tur a ni a, zirtirtute leh zirlaite chuan chutianga an inzirtir leh inkaihhruai chhung chuan mask an hmang ngei tur a ni. School hung chhungah chuan ei leh in tur lamna - cafeteria or mess facility emaw a awm chuan khar tur a ni.

School hung chhungah emaw pawnah emaw, intlarna turin a inhlat zawng chhuatah chhinchhiah (mark) tur a ni a, feet 6-a inhlat a ni tur a ni. Chutiang bawkin staff room-ah te, office huam chhungah te, reception area-ah te leh hmun dangah pawh inhlata awm tur a ni. Khuain a zir a nih chuan zirlaite leh zirtirtute inhmuhna hmun atan chuan pawn (outside) hman tur a ni a. inhlat dan chu zawm tur a ni. School-ah chuan online teaching emaw tele counselling emaw leh a kaihhnawih thilahte chuan zirtirtute leh zirtirtu ni lo hna thawktute chuan mi 50 chin chauh koh tur a ni.

A theihna apiangah Aarogya Setu App chu hmang leh install turin rawn a ni a. Heng invenna hmanrua - mask te, hand sanitizer,etc. te chu zirtirtute leh hnathawktute tan chhawp emaw neih reng tur a ni a. Thermal gun te, alcohol wipe emaw i per cent sofium hypocholorite solution leh disposable towel te, sahbawn te, IEC material te chhawp tur a ni. Hrik kai tawh natna lang chhuak tawhte ‘oxygen saturation level’ check nan Pulse Oximeter pawh ruahman tur a ni.

Zirtirtute leh zirlaite tan regular-in counselling neih tur a ni a, rilru lam hriselna, engto leh vei leh rilru hnualna (anxiety and depression) chungchangte report-na hun siam ṭhin tur a ni. Zirlaite chawh phurna leh an himna atan zirtirtute leh school counsellor te leh school health workerte chu inthurualin, an thawk tlang tur a ni a. School luhna (entrance)-ah hkut silna (hand hygiene sanitizer dispenser) leh thermal screening-na a awm ngei tur a ni. Skill training nana workshop leh laboratory-ahte chuan hna thawh (work station) emaw hnathawhna hmanrua dahna atan emaw chhuat chu mi pakhat tan feet 4 bial (square) tal a awl/awm tur a ni.

Mihringin a khawih fo, entir nan class room, laboratory, locker, parking area, hmun dang hmanho ṭhina door knobs, elevetor buttons, hand rails, chairs, benches, wahsroom fixtures te chu tihfai leh 1 per cent sodium hypochlorite hmanga tihthianglim ṭhin tur a ni a, class ṭan hma emaw, ni tawpah emaw tihthinglim/silfai ngei ngei tur a ni. Hnathawktu zingah a bikin, an tana hrik kai hlauhawm zawk (higher risk), entirnan upa te, nau pai te, damdawia inenkawl lai mekte chu fimkhur leh zual tur a ni. Front line worker te nen emaw, chutiang mite nena in-contact zirlaite nen emaw an awm tlang (expose) lo thei se, a ṭha a ni.

School-in kal velna (transportation facility)a buatsaih a nih chuan taksa inhlat, lir thei emaw bus emaw hman te chu i per cent sodium hypochlorite hmanga tihthianglim ṭhin tur a ni a. Thil tih hmain, tihna hmun tur, 

Mizo Aw
Education