Mizo Aw
Sikul Hawn Turah Inkaihhruaina Tichhuak

Sawrkar laipui Education Ministry chuan ram puma school hawn (reopening) nan kaihhhruaina (Standard Operating Procedures, SOP) a tichhuak a. October ni 15 aṭanga zawi zawia school hawnlehna atana kaihhruaina chu hlawm hniha ṭhen a ni a. Hlawm khatna chu hriselna leh himna (health and safety) atan a ni a, Health Ministry-in kaihhuaina a siam, himna atana fimkhurna thil tih tur, taksa inhlata awm leh hmaikawr vuah ngei ngeite chu zawm ngei ngei tur a ni.

Hlawm hnihna chu lehkha-thiam zirna (academic aspects) lam a ni a, hripui leng kara zirna pek dan tur (methods) a ni. Lockdown chhunga in lama zirna aṭanga school kal pangngaia insuanna tur a ni a, school thuneitute lam chan (tih tur) a ni hlawm.

Zirna neih theihna tura kum khat atana ruahmanna (Comprehensive Alternative Calendar of Activities for the Whole Year) siam tur a ni. Zirtirtute chu IT technology lama an intuaithar leh intuaihriam a ngai dawn a, chu chu class an lakna atan a ṭangkai dawn a ni. Taksa inhlat tak leh thil dang himna atana tih turte zawm chunga zirtirna pek a ngaih dawn avangin zirtirna dan/lawng hrang hrang ‘peer teaching and learning’ te, work book leh wok sheet hman dan te, technology bases resource hman te an thiam leh an hman a ngai dawn a ni. Scool-te chu state/UT sawrkarten himna leh taksa inhlata awm chungchanga kaihhruaina an siam zul zuia anmahnia inkaihhruaina siam tura fuih an ni. 

Mizo Aw
Education