Mizo Aw
ZPM Ṭhalaiin Kawng An En, An Lungawi Lo

 Nimin khan ZPM Thalai hruaituten Buichali lei bul aṭangin National Highway kawng chhe lai an tlawh a. ZPM Thalai Hqrs. President, Pu Malsawmzuala chuan "Mizoram mipui tana châk lâkna kawngpui pawimawh bera ngaih theih kumtin mai truck pawhin an zawh ṭhat ngam loh khawpa a chhe ta ziah mai” tiin ZPM Thalai chuan pawi an ti hle a ni a ti.

Press release chhuahin ZPM Ṭhalai chuan helai kawng hi nimin October ni 14 khan an lo tlawh tawh bawk a ni an ti a. An President chuan “Khatih hun lai pawh khan kawng chhiaa truck tang te excavator hmanga hnuhchhuah a ni a, a ṭhen kawngah a lo let bawk a. Kuminah pawh zin vei vak leh bungrua phurte tan harsatna ngai bawk a thleng leh ta a ni” a ti a. pawi a tih thu a sawi. “Hei hian MNF Ministry-in mipui ei leh bar chawkna kawng pawimawh a ngaihthahzia a tilang chiang hle a ni' a ti.

Pu Mala chuan, "Tunah hian Covid-9 hrileng avangin ram pum kan buai mek a, chutihlai chuan party worker-te induhsakna avangin Sports lamah leh mipuiin kan chhawr ṭangkai tehchiam tur ni lovah restricted tender hmanga hna an inpek laia, kan national highway, mipui chak lakna ber ngaihthah a ni hi pawi kan ti a. Kan sawrkar hi he kawng siam ṭha tura hma la thuai turin ZPM Thalai chuan kan ngen a ni" a ti. 

Mizo Aw
Politics