Mizo Aw
Khawbung RD-ah Lirnghing

Tun Pathianni tlai dar 5:26 khan Khawbung RD Block huam chhungah lir a nghing a, a nat zawng 4.8 richter scale a ni. Nimin khan lirnghing avanga harsatna chi hrang hrang thlengte enfiah turin Champhai District Disaster Management team 2 an kal a.

Team khat Additional DC Pu Mark Lalthanliana kaihhruai District Disaster Management Coordinator leh JE te chuan Vaphai leh Farkawn tlangdung an fang a. Team 2-na SDO Sadar Pu Lalnunfela Chawngthu leh DLAO Pu Benjamin Zalawma Ralte te chuan Khawbung tlangdung lam an fang. District lam thuneitute chuan mipui thlabar, mahni ina riak ngam lote tana hulhiap zarna tur leh Village Level Disaster Committee-te hnenah sumfai leh silpaulin (Tuffpaulin) an pe.

Pathianni tlaia lirnghing chuan Khawbung RD Block huam chhunga khaw hrang hrangah hnu-hma a nei a a ni.

Mizo Aw
Tualchhung