Zo Rin
Central KTP in Live TV Programme 'Pathian Hnaih Hapta' buatsaih dawn

Zo Rin, 24 October:

Central Kristian Thalai Pawl chuan Oct. 27 - Nov. 1, 2020 chhung hian Live TV Programme 'Pathian Hnaih Hapta' buatsaih an tum.

Hripui leng avangin Kohhran leh Thalaiten inkhawm kan neih hleih theih loh avangin Central KTP chuan TV kaltlanga rawngbawlna neih hi tha-in a hria a, Live programme nei tur hian ruahmanna a kalpui mek a ni. He hunah hian zan tin thuhriltu lar kan hriat tak takten Pathian thuchah an sawi ang a, mi mal zaithiamte leh Mizoram Synod Choir ten zaia rawngbawlna an nei bawk ang.

Speaker turte hi Rev. K. Lalrinmawia, Rev. Vanlalbela, Rev. Lalzuithanga, Rev. Remlalfaka, Upa C.Ngurthantluanga leh Pu Malsawmthara te an ni.

Pathian Hnaih Hapta LIVE TV Programme hi zan dar 8:00 - 9:30 chhunga neih thin tur a ni a. Hruaina Eng, LPS 1 leh Zonet Zawlbukah te tihchhuah tura ruahman a ni.

Zo Rin
Kohhran