Zo Rin
Hnahthial hmun hnih-ah Blood Donation Camp buatsaih a ni

 Zo Rin, 24 October:

Nimin khan Hnahthial hmun hnih-ah 'Thisen Pek Runpui' (Blood Donation Camp) neih a ni a, Venglai YMA Hall-ah United Pentecostal Church (NEI) Ṭhalai Pawl PYD ten pein, Bazar YMA Hall-ah Salvation Army Ṭhalai Pawl SAY ten an pe bawk a, Thisen te hi Civil Hospital Lunglei thawktuten Hnahthial-ah kal chilh in an laksak a ni.

Blood Donation Camp pual inkhawm tawi neih a ni a, PYD lamah hian bialtu Pastor Rev. VL. Hmuaka chuan hunserh a hmang a, SAY lamah hian Major Remruatzauva, CO in hunserh a hmang bawk a ni. Civil Hospital Lungleng Blood Bank thawktute chuan mi hrisel tha pangngai kum 18 atanga kum 60 inkar tan thisen pek a hlauawm loh thu leh Civil Hospital Lungleia thisen mamawhna a san thu te, Hnahthial a mi dam lo ten Civil Hospital Lunglei atanga thisen an lak thin thu te sawiin thisen pek chu chawlhsan mai lova pe chhunzawm zel turin thalaite an chah a ni.

SAY lamah hian mipa 12 in thisen an pe a, PYD lamah mipa 23 leh Hmeichhia 5 in pein vawiin a thisen petu zawng zawng hi mi 40 an ni.

Zo Rin
Kohhran