Zo Rin
Presbyterian rorel inkhawm lian ber dawttu Presbytery tan a ni

Zo Rin, 9 October:

Mizoram sawrkarin a rem tihna angin Presbyterian inkhawmpui lian ber dawttu Presbytery khawmpui chu nimin khan Presbytery hrang hrangah neih tan a ni a.

Hripui leng mek avangin kumin Presbytery Inkhawmpui hi Presbytery hrang hrangah zan lam vantlang Pathian Biak Inkhawm awm lovin chhun lamah Rorel Inkhawm chauh neih tur niin Sorkar Dan zawm chungin fimkhur taka kalpui tum a ni a, chumi anih avang chuan Rorel Palai pawh Presbytery tinah a tlem thei ang berin an inruat a ni.

Hrileng vangin inkhawmpui hmandan a in ang lova. Nimin lam khan Nomination committee, finance committe leh sub-pastoral committee te an thu a. Kohhran upa thlan thar te exam buatsaih a ni.

Vawiin leh Inrinniah rorel inkhawm neih a ni anga, Pathianniah Upa nemngheh inkhawm neih a ni ang. Mizoram sawrkar chuan a tul chuan mi 50 aia tam inkhawm neih a phal bawk.

Synod Puipaten hetiang hian Presbytery Inkhawmpui an hmanpui ang:

Rev. R. Lalchangliana, Moderator - Chhimphei Presbytery

Rev. Vanlalrova Khiangte, Synod Secretary (Sr.) - Khawthlang Presbytery

Upa Lalrinmuana, Synod Secretary (Jr.) - Aizawl Hmar Presbytery

Rev. Lianhmingthanga Sailo, Sr. Exe. Secretary - Aizawl Hmarchhak Presbytery

Rev. B. Sangthanga, Executive Secretary - Aizawl Chhimthlang Presbytery

Rev. K. Lalrinmawia, Executive Secretary - Aizawl West -II Presbytery

Rev. Lalramliana Pachuau, Finance Officer - Aizawl East Presbytery

Rev. J. Lalremsiama, Statistician - Aizawl West -I Presbytery

-maro colneya bungsut

Zo Rin
Kohhran