Zo Rin
Synod in kum 2021 puitling zirlai tur tichhuak

ZO RIN, 24 NOVEMBER:

Mizoram Presbyterian Kohhran chuan kumthar 2021 a Puitling Sunday School zirlaibu tur leh Nilai leh Beihrual thupui zirlai tur a ti chhuak.

Heng lehkhabu pahnihte hi Mizo lehkhabu malkhaiah chuan copy chhutchhuah tam berte a ni thin a. Puitling Sunday School zirlaibu hi copy 90,000 chhut a ni a, Nilai leh Beihrual thupui zirlai hi copy 70,000 chhut a ni.

Nakum 2021 hian Mizoram Presbyterian Kohhran hian Puitling Sunday School ah Synod Moderator leh Senior Executive Secretary lo ni tawh Rev.Lalzuithanga ziak, 'Kohhran leh a rawngbawl hna tih an zir dawn a. He zirlaiah hian zirlai 47 awmin phek 255 a chhah a ni a. A chhut man synod in 25% a tihhniam tawh hnuah Bu khat Rs.110 a lei theih a ni.

Mizoram Synod hnuaia kohhrante bakah Presbyterian Church of Myanmar, Phai Synod pumpuiin an zirlaiah an ring ve nghal a. Mizoram synod chuan kumtin copy 1000 a pe thin a ni.

Kum 2021 Nilai leh Beihrual thupui tur hi Kristian chhungkua leh nunho dan tha tih a ni a. Synod Executive lo ni tawh Rev.PC Pachhunga ziah a ni a. Phek 225 a chhah niin Rs.140 a hralh tur a ni. Naupang zirlai bu tur erawh chu kum 2021 atang hian zirlaibu thar vek hman tawh tur a nih avangin Synod press ah chhut mek a ni a, rei vak loah peih theih beisei a ni. 

Zo Rin
Kohhran