Zo Rin, 20, November:

Nov. 16, 2020 (Thawhtanni)-ah Synod Education Board an thu a, Nov. 17, 2020 (Thawhlehni)-ah Synod Social Front an thu a, Nov. 18, 2020 (Nilaini)-ah SL&PB an thu a, Nov. 19, 2020 (Ningani)-ah Synod Worship Committee an thu a, Nov. 21, 2020 (Inrinni)-ah Synod Pastoral Committee an thu ang.

Synod Committee hrang hrang Meeting hi Rev. R. Lalchangliana, Synod Moderator-in a kaihruai a, Meeting-ah hian Secretary report leh Treasurer report te ngaihthlak a nih hnuah Synod inkhawmpuia report tur Secretary-in a buatsaih te ngaihthlaka sawiho a ni.

Nov. 23 - 25, 2020 chhungin Synod Finance Committee an thu ang.

Hripui leng mek avangin kumin Synod Inkhawmpui pawh kum dang angin hman a remchang dawn ta lova, chumi anih avang chuan Synod Executive Committee (SEC) meeting Nov. 10 - 12, 2020 a neih

chuan ruahmanna thar a siam a. SEC chuan Synod Inkhawmpui hun pawt tawiin Dec. 8 -11, 2020 chhungin Dawrpui Kohhran Biak Ina neih tura rel a ni a. Synod Palai tur pawh ti tlemin -

Synod Puipate, Synod Nomination Committee te, SEC member te, Pastoral Committee member te, Finance Committee member te leh Superintendent, Synod Office te chauh palai turin ruahmanna a siam a ni. He ruahmannaah hian Mizoram pawn lam palai chu tel lo tura ngaih a ni.