Zo Rin
Synod inkhawmpui lian ber dawttu a tiak ta

 Zo Rin, 12 October:

Mizoram Synod hnuaia Inkhawmpui lian ber dawttu, Presbytery Inkhawmpui, kar hmasa ningani atanga hripui leng kara neih chu nimin khan a tiak.

Hripui leng avangin kumin Presbytery Inkhawmpui hi zan lam vantlang Pathian Biak Inkhawm awm lovin, chhun lamah Committee hrang hrang leh Rorel Inkhawm leh Upa nemngheh Programme neih a ni a, Sorkar dan zawm chungin fimkhur takin, Rorel Palai pawh Presbytery tinah a tlem thei ang ber inruat a ni.

Presbytery hrang hrangah vawiin khan Kohhran Upa thlan thar nemngheh inkhawm neih a ni a, zan lam Vantlang Pathian biak inkhawm awm lovin inkhawmpui hi tin a ni.

Mizorama Isua Krista Kohhran Rorelna sang ber dawttu, Division Inkhawmpui pawh Division pahnih, Chhim Division leh Khawchhak Division te chuan zirtawpni khan an hmang a, Chhim Division ten Thenzawlah rorel inkhawm neiin, Khawchhak Division ten Champhai ah an nei a ni.

Zo Rin
Kohhran