Zo Rin
Synod khawmpui atana inruahman lawkna atan Synod committee peng thukhawm

 Zo Rin 23, November:

Synod Inkhawmpui atana Synod Committee peng hrang hrangte inruahman lawkna Committee chu neih chhunzawm zel a ni.

Nov. 16, 2020 (Thawhtanni) khan Synod Education Board an thu a, Nov. 17 Thawhlehni-ah Synod Social Front, Nov. 18 Nilaini ah SL&PB, Nov. 19 Ningani ah Synod Worship Committee te an thu a, Nov. 21 Inrinni khan Synod Pastoral Committee an thu a ni.

Synod Committee hrang hrang Meeting hi Rev. R. Lalchangliana, Synod Moderator-in a kaihruai a, Meeting-ah hian Secretary report leh Treasurer report te ngaihthlak a nih hnuah Synod inkhawmpuia report tur Secretary-in a buatsaih te ngaihthlaka sawiho a ni. Nov. 23 - 25 chhungin Synod Finance Committee an thu ang.

Hripui leng mek avangin kumin Synod Inkhawmpui pawh kum dang angin hman a remchang dawn ta lova, chumi a nih avang chuan Synod Executive Committee (SEC) meeting Nov. 10 - 12, 2020 a neih chuan ruahmanna thar hetiang hian a siam a. SEC chuan Synod Inkhawmpui hun pawt tawiin Dec. 8-11, 2020 chhungin Dawrpui Kohhran Biak Ina neih tura rel a ni a. Synod Palai tur pawh ti tlemin -

Synod Puipate, Synod Nomination Committee te, SEC member te, Pastoral Committee member te, Finance Committee member te leh Superintendent, Synod Office te chauh palai turin ruahmanna a siam a ni. He ruahmannaah hian Mizoram pawn lam palai chu tel lo tura ngaih a ni. 

Zo Rin
Kohhran