Zo Rin
UPC-North East, North Mizoram District, Ramthim Department in Tuikhuahtlangah Inkhawmpui rorel an nei

Zo Rin, 24 October:

UPC-North East India, North Mizoram District, Ramthim Department chuan nimin (Oct Ni 23) khan Dist. Hqrs Biak in Tuikhuahtlangah Inkhawmpui rorel an nei.

Rorel inkhawm hi Dist. Missions Dept Director Rev. C. Lalthantluanga’n a kaihruai a, hri leng avangin fimkhurna kalpuiin rorel inkhawm chauh an nei. District Puipa pathum Dist. Supdt. Rev. Laltluanga, Dist. Secy Rev. Chhiarpuia leh Dist. Treasure Rev. K. Lalduhsanga ten an ho thei a, NEI-UPC Gen. Missions Director Rev. R. Lalhawia leh Treasurer Pastor PC Lalrokima ten an ho thei bawk.

Conference Rorel inkhawm chawhma dar 10:00 AM-ah tannin, rorel pawimawh zualte: chu Conference Neih lehna hmun tur kum 2023 thleng ruahmanna siam a ni a, Kum 2021-ah Rengdil Bialah neih a ni anga, Kum 2022-ah Maubawk Bial leh Kum 2023-ah Sumsuih Bialah te neih a ni ang.

North Mizoram District Missions Dept te hian Home Missions Field-ah revival Programme buatsaih ni se, tih te an rel a ni.

UPC-NEI, North Mizoram District-ah hian Missions Field 12 leh rawngbawlna mek khaw thum neih a ni a, Kum 2019 – 2020 chhungin Missionary te leh Casual worker te hian mi thar 143 neiin, Baptisma chang 128 an awm bawk.

Chawhnu dar 1:30pm ah Dist. Missions Dept Board neih nghal a ni a, Kum 2021 District Missions Budget Estimate Rs. 115,00,000.00(Nuai za sawm leh panga)

pass a ni.

Coference-ah hian rorel mi 80 bawr kalin, Hqrs. Local Missions Dept. ten hneh takin confe Rorel inkhawm an thleng a ni.

Zo Rin
Kohhran