Congress Working Committee (CWC) chuan Lok Sabha-a Leader of Opposition atan Congress party hruaitu, Rahul Gandhi an duh thu sawiin, Inrinni khan lungrual takin resolution an pass. Rahul Gandhi hi Lok Sabha inthlanpui neih zawh takah khan Wayanad, Kerala leh Raebareli, Uttar Pradesh bial atangin thlan tlin ve ve a ni a, Wayanad bial zawk hi a chhuah san dawn nia sawi a ni a, mahse thuchhuah engmah siam a la nei lo thung.

Hetih lai hian Congress hruaitu thenkhat chuan Raebareli chu Gandhi chhungkua seat hlun a ni a, hei bakah seat 80 awm na, Uttar Pradesh-a Congress boruak chawikan lehna turin Gandhi hian a thut zui a tul a ni, an ti. Rahul Gandhi chuan LoP atana rawt a nih chungchangah thutlukna a la siam lo a, a la ngaihtuah dawn tih a sawi. Mahse Congress party president Mallikarjun Kharge chuan CWC in resolution a pass tawh avangin a pawm ngei a ngai a ni, a ti ve thung.

Rahul Gandhi hi Congress party hruaitu zinga mi pakhat a nih avangin a hnathawh tur te leh a thut zui tur te zawh an ngaihven ve a ni.