Election Commission of India chuan nimin khan assembly by-election chu state 7-a assembly seat 13-ah neih a ni a, hei hi Bihar, West Bengal, Tamil Nadu, Madhya Pradesh, Uttarakhand, Punjab leh Himachal Pradesh-te an ni. By-election neihna hi zing dar 7 atanga vote thlak tanin, zan dar 6 thleng hawn a ni. Lok Sabha inthlanpui neih hnua inthlan neih lehna hmasa ber a ni a, BJP kaihhruai NDA leh eptu pawl INDIA bloc te an inbitum leh ber. Lok Sabha inthlan neih zawh taka an beisei anga che tha lo, BJP tan pawh fiahna pawimawh tak a ni dawn a ni. Hmun tam zawkah inthlan hi boruak tha tak hnuaiah neih a ni a, hei hian assembly seat 4-a by-election neihna West Bengal-ah chuan buaina chhuak a awm a, BJP polling agent pakhat in chu suasam a ni a, BJP panchayat worker in kut a tuar bawk nia sawi a ni. BJP hruaitute chuan Election Commission an hriattir nghal tih an sawi a ni.