Congress Party chuan ZPM sorkar chu Mizoram Lokayukta kut phuarah puhin, an kut phuar sut turin Chief Minister an ngen. Ngenna hi nimin khan MPCC Vigilance Cell chuan Chief Minister Office ah an thehlut a, hemi chungchangah hian vawiin khan Aizawla chanchinbu mite kawmin, MPCC Sr Vice President Pu Lalnunmawia Chuaungo chuan Lalnunmawia chuan Mizoram Lokayukta Act 2014 passed a nih a, kum 2019 atanga Mizoram hnathawhtir anih atangin state chhunga corruption chungchanga case chhui thei awmchhun a ni, a ti a. Mizoram Lokayukta Act ah pawh case investigation chhui mek court la thleng lo chu Mizoram Lokayukta ah transfer vek tur tih niin corruption hlemhletna chungchang ah a pawimawh em em a ni a ti. Hetihlai hian ZPM chuan kumin March ni 15 a gazette notification a tihchhuahah lokayukta dan siamthatna siamin Lokayukta hnathawk chak thei tura siam aiin lokayukta hnathawk hleitheilo tura siamna tura thil tihdanglam thahnem tak an nei a ti a. Lokayukta chu an thuam chak ang an ti ve tak na a, an hmalak dan chu a letling ta hlauh mai a. Lokayukta chu a kut phuarin a hnung an khirh ta zawk a ni a ti. CM hnenah lehkha an thehluhah chuan Section 10 ti danglama Inquiry Wing leh Prosecution Wing hotu lian level tihhniam chuan recruitment ah harsatna a siam theih bakah hna a thawh kawngah hatsatna a siam dawn a ni, an ti a. Section 13(3) hnuaia proviso tidanglama Central leh State hnuaia thawk public servant ni lo, pawl hnuaia thawkte prosecute hmaa pawl thuneitute phalna lak hmasak ngai ta chuan thil tisuattute laka hmalak nasa takin a ti khaihlakin a ti harsa dawn a ni an ti a ni. Mizoram Lokayukta hian sawrkara in nghat lova zalen tak leh hleih nei lo a hna a thawh theih nan a mamawh ang Officer leh staff pe vat tur leh, kum 2021 a State sawrkarin ACB atanga post 25 Mizoram Lokayukta-a transfer tura thutlukna a lo siam tawh hi a taka chantir nghal turin an phut tih Con-gress Party chuan an sawi a, Lokayukta hnuaia officer leh staff-te la tura Mizoram Lokayukta nena thuneihna pe turin kan phutin kan ngen a che. Hei hi Mizoram Lokayukta Act siamthat ruala awlsam taka tih theih a ni tih an tarlang tel bawk a ni.