Nimin ZPM Gen Hqrs Office chhung inkhawm neih naah Er. Ginzalala, Adviser to CM chuan ZPM hi kan indin tirh atangin Pathian kaihhruaina kan dawng nasa a, tun thlengin kut hnathawktute dinchhuahna hi kan din chhan a la ni reng, rorelna kan chang ve a, beihna pawh kan tawk chho a, hengte hi dawnsawn kan thiam a ngai, sawiselna zawng zawng hi kan haw tur a ni lo, min beitute hi chi hnih chi thum lai an ni ve thei a, a then chu kan party tana tha hnemngai tak leh ram hmangaih tu tak takte an ni thei a, hengho hian thil dik ti turin min beisei a, min zilh a ni. Thenkhat erawh chu min ertu leh min hawtu te an ni thei a, a dawnsawn danah ringtu kan ni tih hrereng ila, Isua zirtirna hrerengin ringtu kan nihna kan lantir zel a pawimawh, in siam thatna hmanruaah kan hman thiam a ngai a ni, a ti bawk.