ZPM Vice President C. Lalnunnema chuan, "Kan policy ang ngeiin, MLA te mimal motor leina sorkar suma tumsak thin chu tih tawp a ni a, CM leh Minister dangte hamthatna (facility) an neih House Hold M/R chhawr theihte pawh a zat ve-a tih hniam a ni," tiin a sawi. Nimin khan ZPM chhungkaw inkhawm ZPM pisa a neihah, C. Lalnunnema Vice President chuan, "MLA Election Campaign lai khan ZPM chu kan danglam ngam tur a ni," tiin kan au thin a, Pathian leh mipui zarah Sorkarna kan han chang ta a, famkim lovin duhthusam ang duak duakin thil kal lo mahse, thla reilote chhungin Chief Minister Lalduhoma kaihhruai, ZPM Ministry hian ram tana thil tha tam tak a ti tawh ani," a ti. CM leh Minister dangte hamthatna (facility) an neih House Hold M/R chhawr theihte pawh a zat ve-a tih hniam atang ringawt pawh hian Sorkar sum thahnem tham tak kan hum thei a, inrenchemna kawngah nasa takin ke kan pen mek a ni. Tin sorkar hmasa hun laia K. Deposit-a bill tang Rs Vbc. 425.29 lai pek chhuah a ni ta te, Health care bill leh Bill hrang hrang tangte pek chhuah a ni a, Sorkar hnathawk ten thla tirah hlawh an la thei ta te hi Budget la pharh ve ngailo hmalakna ah chuan a ropui hle a ni," a ti. ZPM Vice President chuan, "Kalphung thar mipui Sorkar hnuaiah Mizoram zirna nasa taka siam that tum a ni a, hemi atan hian tunhnaiah Casual Teacher thahnem tak, Teacher Recruitment Rules ang thlapa lak a ni a. Hei bakah hian Zirtirtu Quarters leh School Building sak chung changah pawh hma thar lak zel tum a ni a, aikal lak titawp tumin sorkar chuan huaisen takin hma a la mek a, kan ram zirna hi nasa taka siam that tum mek a ni," a ti bawk. Medical College kan neih chhun ZMC pawh thuam chak tura hmalak mek niin, PHC ah pawh Doctor dah kim thawhkhat a ni tawh a, Universal Health Care Scheme buaipui chhoh mek a ni a, mi tin huapzo tura duan a niin Sorkar thar hmalakna hi mipuiten a zar kan la zo chho zel dawn a ni," a ti. C. Lalnunnema chuan, "Mualkhang Gas Botlling plant atan pawisa Rs 225.17 Cr. Zet sanction a ni ta hi a lawm hle a, Lui pathum - Tlawng, Mat leh Tuivai khuap turin policy-ah kan dah a, heng lui 3 atanga power kan tharchhuah tur zat beisei hi 274 MW a ni. Heng bakah hian Kalphung thar mipui Sorkar hian hmalakna leh hmachhawp thahnem tak a nei a, mipuite pawhin sorkar hmalakna kan thlawpa kan ram hruaitute tan kan tawngtaipui fo a tul a ni," a ti.