BJP Mizoram chuan nimin khan Aijal Club Conference Hall ah Union Budget 2024-2025 zir hona an nei a. He hunah hian Party hrang hrangte, mithiam sawm bik te, Journalist-te bakah College Student-te sawm an ni.

Union Budget zir hona hian, Mizoram mipui ah Budget pawimawhna kan hriatna tur leh Union Budget atanga Mizoram mipuiin kan tangkaipui theih tur eng Sector ah nge a awm tih kan hriat a, Mizo te'n Budget awmzia kan hriat theihna tur atan he hun hi buatsaih a ni.

Union Budget 2024-2025 ah hian Mipui tana hamthatna tam tak a awm a, kawng tam takah Mizo mipuite pawhin kan chhawr ngei dawn a ni. Sumdawngte Loan kan tih mai Mudra Loan kan tih ah pawh tun hmaa lak theih zat cheng Nuai 10 atangin cheng Nuai 20 laia tihsan a ni te chu thalai eizawnna kawnga hmala te tan chhenfakawm tak a ni a, chumai bakah thalai hnathawh tur tam tak siam belh ani tur te hi a lawm awm takzet a ni, tin Agriculture lamah Budget tam tak awm te hi Mizoram tan chuan a lawm awm hle a, Agriculture Department hian tih takzeta loneia Kuthnathawktu te'n tun aia tha zawka hma kan sawn pui ngei kan beisei bawk a ni.

BJP Mizoram chuan Mizoramin hmasawnna kan neihna turin theihtawp chhuaha hmalak zel kan tum a, Sorkar lai chu tupawh ni se Mizoram hmasawnna tur thil tha tih kawngah theihtawp chhuah a pui turin BJP Mizoram kan awm a, thil tak tak buaipui a, Union Budget kaltlanga Development chhenfakawm tak kan hmuh theih nan leh mipui tana awlsamna a awm theih na turin, BJP Mizoram chuan hma kan la zel dawn a ni.

Union Budget Discussion 2024-2025 a lo kal zawng zawngte chungah BJP Mizoram chuan lawmthu kan sawi takzet a ni.

He hunah hian Malsawmtluanga, State General Secretary-in inkhawm a kaihruaia, Vanupa Zathang, IPS (Retd), State Vice President-in Hunserh hmangin, PC Lawmkunga, IAS (Retd) leh Dr. James LT Thanga , Associate Professor, Deptt Of Economics, MZU te chu Resource Person niin, Tv Lalramdinfela Khiangte, State IT Convener BJP Mizoram chuan Union Budget 2024-2025 Power Point Presentation a nei a, Vanlalhmuaka, State President-in Disscusion session kaihruaiin lawmthu sawina hun a nei bawk a ni.